Nau mai, piki mai, kake mai ra,
takahia te ara o te matauranga,
e whatorotoro atu nei ki tena whanga,
ki tena tahuna, ki tena tai.
Tenei te reo whakamihi ki te rangi i runga,
ki te papa i raro, ki nga paehiwi kei uta,
ki te moana kei waho.
Haere mai whakatata mai, whakatau mai.
Tenei nga rau ngaehe, nga rau matomato
e pohiri atu nei, e ringaringa atu nei
kia kotahi mai ai i runga i te whakaaro ki te hanga ririki nei.
He taonga ratou, he mea homai noa e Te Atua.
Kei roto ratou i nga ringaringa o nga kaiako.
Ko te tumanako ka tipu ake, ka pakari haere
kia rite ai mo te wa ka eke ratou ki nga taumata
ka tu ai ratou hei rangatira mo to ratou ao.
Heoi ano koutou ma, kei te mihi, kei te mihi, kei te mihi.
Pirirakautanga through Te Marautanga o Aotearoa. Our philosophy
is likened to the Kauri tree, to stand tall and strong.